2019 October 5

පළමුව, පසුගිය සතියේ සිදුවීම් පිලිබඳ සමාලෝචනය:

  • EUR/USD. බොහෝ ප්‍රවීණයන් (55%) 1.1000 කලාපය දක්වා යුගලය නිවැරදි කිරීමක් අපේක්ෂා කළහ. මෙම තත්වයට දවසේ සහ සතියේ කාලරාමු මත ඔස්කිලේටර් වලින් 15% ක් ද සහාය ලබා දී ඇති අතර, යුගලයේ විකුණුම් වැඩි වනු ඇති බවට පැහැදිලි සංඥා ලබා දුන්නේය. ඒ අනුව, මෙම අනාවැකිය 100% කින් සපුරා ඇති බව සැලකිය හැකිය. මන්දයත් සැප්තැම්බර් 3 වන බ්‍රහස්පතින්දා යුරෝ අනුපාතය 1.0999 දක්වා ඉහළ ගොස් ඇති බැවිනි. 1.1000 මට්ටමට යාමට පෙර, යුගලය පහත වැටීමක් අපේක්ෂා කළ හැකි බව ග්‍රැෆික් විශ්ලේෂණයේ අනතුරු ඇඟවීම සත්‍යයක් විය. එය සතියේ ආරම්භයේදීම පෙන්නුම් කළේය.
    යුරෝපීය මුදල්වල වර්ධනයට ඇමරිකා එක්සත් ජනපදයේ දුර්වල සාර්ව සංඛ්‍යාලේඛන මෙන්ම ජනාධිපති ට්‍රම්ප් විසින් කරන ලද වෙළඳ යුද්ධ හේතු විය. එබැවින් සේවා අංශවල ව්‍යාපාරික ක්‍රියාකාරකම් පිළිබඳ ISM දර්ශකයේ අගය 56.4 සිට 52.6 දක්වා පහත වැටුණි. එය ඔක්තෝම්බර් 3 වන දින ප්‍රකාශයට පත් කිරීමෙන් පසු, ඇමරිකානු ශ්‍රම වෙළඳපොල දත්ත කෙරෙහි වෙළඳපොළ අවධානය යොමු කළ අතර එය සාම්ප්‍රදායිකව මාසයේ පළමු සිකුරාදා වන ඔක්තෝබර් 4 වන දින නිකුත් විය. කෘෂිකාර්මික අංශයෙන් පිටත ඇමරිකා එක්සත් ජනපදයේ නිර්මාණය කරන ලද නව රැකියා ගණන (NFP) 20% කින් (168K සිට 136K දක්වා) පහත වැටී ඇති අතර, එමගින් අවපාතයක ආරම්භය ද පෙන්නුම් කරයි.
    පොලී අනුපාතය වෙනස් කිරීම සඳහා එක්සත් ජනපද ෆෙඩරල් සංචිතය විසින් ගනු ලබන පියවර තීරණය කරන්නේ අයිඑස්එම් සහ එන්එෆ්පී වැනි දර්ශකයන් ය. එබැවින්, ප්‍රධාන සිදුවීම වූයේ වැඩ කරන සතිය අවසානයේදී ජෙරොම් පවෙල්ගේ කථාව වන අතර, ඉදිරි මාස සඳහා මහ බැංකුවේ සැලසුම් සොයා ගැනීමට ආයෝජකයින් බලාපොරොත්තු විය.
    පවෙල් ප්‍රසිද්ධ වන්නේ බොහෝ දේ කීමට සහ නිශ්චිත කිසිවක් නොකිරීමට ඇති හැකියාව නිසාය. මෙවරත් එය එසේ විය. එහි ප්‍රතිපලයක් ලෙස සැහැල්ලු පැනීම් කිහිපයක් සිදු කිරීමෙන් පසු යුගලය 1.0980 ට පමණ පැමිණියේය;
  • GBP/USD. බ්‍රිතාන්‍ය මුදල් ඔක්තෝබර් පළමු සතිය පුදුමාකාර සන්සුන් බවක් පෙන්නුම් කළේය. බ්‍රික්ස්ට් වටා අසාමාන්‍ය කිසිවක් සිදු නොවීය. එමනිසා, යුගලය ඔක්තෝබර් 4 වන සිකුරාදා, දින හතකට පෙර පැවති කලාපයේම සතිය අවසන් විය. බොහෝ විට එය 1.2275-1.2350 කලාපයේ සීමාවන් වෙතට ගමන් කළ අතර ඉහළයාම සහ පහළයාම යන ද්විත්වයම එයින් ඔබ්බට යාමට උත්සාහයන් කිහිපයක්ම කළහ.ඒ අනුව, අවම අගය 1.2205 ලෙසත්, ඉහළ අගය 1.2415 ක් ලෙසත්, යුගලයේ උච්චාවචනයන් පරාසය පොයින්ට් 210 ක් ලෙසත් පසුගිය සතියේ සටහන් විය;
  • USD/JPY. යෙන් සම්බන්ධයෙන් ගත් කල, එක්සත් ජනපද-චීන වෙළඳ යුද්ධයේ වර්ධනයන් වෙත ආයෝජකයින් බලා සිටිනු ඇතැයි අපේක්ෂා කරන ලදී. ඇමරිකානු බැඳුම්කරවල ප්‍රතිලාභ අඩුවීමෙන් 'යෙන්' ඉහළට තල්ලු කළ හැකිය. එහි ප්‍රතිපලයක් වශයෙන්, වොෂිංටන් සහ බීජිං අතර පැවති සාකච්ඡා වල තත්වය පැහැදිලි නොවූ අතර, වසර 10 ක එක්සත් ජනපද රජයේ බැඳුම්කරවල ප්‍රතිලාභ 12% කින් පහත වැටුණි .මෙම සාධකවලට ස්තූතිවන්තවන්නට සහ  එක්සත් ජනපදයේ දුර්වල සාර්ව ආර්ථික සංඛ්‍යාලේඛන හේතුවෙන් 'යෙන්' ඉහළ ගියේය. යුගලය, මාසයකට පෙර පැවති 106.50 ක අගයකට, බ්‍රහස්පතින්දා දින ළඟා විය. සතියේ අවසාන අගය ජපාන මුදල් ඒකකය විසින් 106.85 ක් ලෙස නියම කරන ලදී;
  • ක්‍රිප්ටෝ මුදල්. ක්‍රිප්ටෝ මුදල් “ඉහළ භීතියේ” එනම් රතු කලාපයේ සිට “සාමාන්‍ය භීතියේ” එනම් තැඹිලි කලාපය දක්වා ඉහළ ගියේය. බිට්කොයින් මීටත් වඩා පහත වැටෙනු ඇතැයි යන බිය තවමත් පහව ගොස් නැත. Bakkt ක්‍රිප්ටෝ අනාගත වෙළඳාමේ අසාර්ථක ආරම්භයක් සහ ඉන් පසුව ඇති වූ භීතිකාව නිසා වෙළඳපල දැන් සන්සුන් සැප්තැම්බර් 24 වන දින වී මඳ වර්ධනයකට පැමිණියේය. වෙළඳුන් සහ ආයෝජකයින් විවේකයක් ගත් අතර එය BTC/USD ප්‍රස්ථාරයේ පැහැදිලිව දැකගත හැකිය. පසුගිය සතියේ යුගලයේ උපරිම උච්චාවචනය සැප්තැම්බර් 30 සිට ඔක්තෝබර් 01 දක්වා වූ අතර එය 9% ක් පමණ විය. ඉතිරි කාලය සඳහා, යුගලය $8.190 හරහා සමාන්තර චලනයක් පෙන්නුම් කර අතර උච්චාවචනය 5% නොඉක්මවන ලදී.
    ප්‍රධාන ක්‍රිප්ටෝ මුදල අනුගමනය කරමින්, අනෙකුත් ප්‍රධාන ක්‍රිප්ටෝ මුදල්, එතීරියම් (ETH/USD), ලයිට්කොයින් (LTC/USD), රිපල් (XRP/USD) යනාදියද සමාන්තර චලනයක් පෙන්නුම් කළේය. ක්‍රිප්ටෝ මුදල් වෙළඳපොළේ සමස්ත ප්‍රාග්ධනීකරණය 2019 මැයි මැද භාගයේ අගයන් කරා ආපසු ගිය අතර එය ඩොලර් බිලියන 223 කට වඩා වැඩිය.

 

ප්‍රධාන පෙළේ බැංකු හා තැරැව්කාර සමාගම් හා විශ්ලේෂකයින් ගණනාවක්, මෙන්ම තාක්ෂණික හා ප්‍රස්ථාරික විශ්ලේෂණ ක්‍රම රාශියක් පදනම් කොට සිදු කළ, එළැබෙන සතිය සඳහා වන අනුමාන සාරාංශය පහතින් දැක්වේ:

  • EUR/USD. එළඹෙන සතිය තුළ, එක්සත් ජනපද ෆෙඩරල් සංචිතයේ ප්‍රධානී ජේ. පවෙල් විසින්, සතියේ මුල් භාගයේ දී සිදු කරනු ලබන කතා ඇතුළුව තරමක් විශාල මෙන්ම සැලකිය යුතු සිදුවීම් ප්‍රමාණයක් පිළිබඳව අපි බලා සිටිමු. කෙසේ වෙතත්, වැදගත්ම සිදුවීම් වනුයේ නිසැකවම ඔක්තෝබර් 9 බදාදා ෆෙඩරල් මණ්ඩලයේ තීරණ ප්‍රකාශයට පත් කිරීම සහ ඔක්තෝම්බර් 10 වන බ්‍රහස්පතින්දා යුරෝපා මහ බැංකුවෙන් ඔවුන්ගේ සගයන් හමුවීම පිළිබඳ වාර්තාවය. නුදුරු අනාගතයේදී, මෙම ලේඛන දෙකම එක්සත් ජනපදයේ සහ සහ යුරෝපා සංගමයේ මූල්‍ය හා මූල්‍ය ප්‍රතිපත්ති පිළිබඳ වර්ධනය හෙළි කළ යුතුය.
    මේ මොහොතේ, විශේෂඥයන්ගේ සහය පහත පරිදි බෙදී ඇත. ඔවුන්ගෙන් 60% ක් සහ දවසේ කාලරාමුව මත ග්‍රැෆික් විශ්ලේෂණය යුගලයේ පහත වැටීමට සහය දෙන අතර ඔක්තෝබර් 01 අවම අගය වූ 1.0880 යාවත්කාලීන කිරීමට උත්සාහ කරනු ඇති බව විශ්වාස කරයි. ඉතිරි 40% ක විශ්ලේෂකයින්, පැය හතරේ කාලරාමුව මත ග්‍රැෆික් විශ්ලේෂණය සමඟ පූර්ණ එකඟතාවයකින් යුතුව, ප්‍රතිවිරුද්ධ මතයක් ඉදිරිපත් කරන අතර, එයට අනුව, යුරෝපීය මුදල තවමත් එහි වර්ධනය සඳහා ඇති හැකියාව අවසන් කර නොමැති බවත් යුගලය1.1100 කලාපයට ඉහළ නගිනු ඇති බවත් විශ්වාස කරයි. .
    අවසාන වශයෙන්, දර්ශක. පැය හතරේ කාලරාමුව මත ඔස්කිලේටර් සහ ප්‍රවණතා දර්ශක දෙකම බොහෝ දුරට කොළ පැහැයෙන් යුක්ත වන අතර දවසේ කාලරාමුවෙහි අඩක් දැනටමත් රතු පැහැයට වෙනස් වී ඇත. සතියේ කාලරාමුව මත රතු පැහැය ප්‍රමුඛ වේ. ඒ අතරම, ඔස්කිලේටර් 15% ක් පමණ දැනටමත් සංඥා කරන්නේ යුගලය පැය හතරේ සහ දවසේ කාලරාමු මත මිල දී ගැනීම් වැඩි වන බවයි;
  • GBP/USD. ඔක්තෝබර් 08 වන අඟහරුවාදා එංගලන්ත බැංකුවේ ප්‍රධානී මාක් කර්නිගේ කථාව පැවැත්වීමට නියමිතය. කෙසේ වෙතත්, දැන් එක්සත් රාජධානියේ ප්‍රධාන ප්‍රවෘත්ති සම්පාදකයා ලෙස කටයුතු කරන්නේ අගමැති බොරිස් ජොන්සන් ය. ඔහු පවසන දේ සහ ඊටත් වඩා ආයෝජකයින් උද්දීපනය කරයි (කර්නි මහතාට කිසිදු වරදක් නොකියනු ඇත). නමුත් ජොන්සන් මහතා පවසන හා කරන දේ කිසිවෙකුට තවමත් පැහැදිලි නැත (සමහර විට තමාට පවා). බ්‍රිතාන්‍යය යුරෝපා සංගමයෙන් ඉවත්වීමට සති තුනක් පමණක් ඉතිරිව ඇති අතර, ජොන්සන් තම රටට වාසිදායක ගනුදෙනුවක කොන්දේසි සම්බන්ධයෙන් බ්‍රසල්ස් සමඟ එකඟ වීමට නොහැකි වනු ඇත. ඉතින්, එක්කෝ ගනුදෙනුවක් නොමැතිව බ්‍රෙක්සිට්, හෝ ... එහි තවත් දිගුවක් බලාපොරොත්තු විය හැකිය.
    ප්‍රාතිහාර්යයන් සමහර විට සිදු වුවද ... සමීක්ෂණයෙන් පෙන්නුම් කරන පරිදි, විශ්ලේෂකයින්ගෙන් 65% ක්, ග්‍රැෆික් විශ්ලේෂණය වැනි, ඒවා විශ්වාස නොකරයි. එමනිසා, සැප්තැම්බර් 3 අවම අගය වූ 1.1960 දක්වා යාවත්කාලීන කිරීමේ උත්සාහයක් ලෙස පවුම තවදුරටත් පහත වැටෙනු ඇතැයි ඔවුහු අපේක්ෂා කරති. ආසන්නතම ආධාරක අගයන් 1.2200 සහ 1.2070 මට්ටම්වල ඇත.
    බොරිස් ජොන්සන් විශ්වාස කරන සහ හොඳම දේ අපේක්ෂා කරන විශේෂඥයින්ගෙන් 35% ක් පමණ වන අතර, ඔවුන් පවුම ශක්තිමත් වනු ඇතැයි විශ්වාස කරති. එමෙන්ම, යුගලය 1.2525 දක්වා ඉහළට යනු ඇතැයි අපේක්ෂා කරයි.
    දර්ශකයන් අතර තත්වය බ්‍රිතාන්‍ය පාර්ලිමේන්තුවේ තත්වයට සමානය: රතු, කොළ සහ අළු වර්ණවල සම්පූර්ණ මිශ්‍රණයක් මෙන්ම විවිධ කාල රාමු මත යුගලය අධික ලෙස මිල දී ගැනීම හෝ අධික ලෙස විකිණීම සම්බන්ධයෙන් ඇති තත්වයක් වේ.. එබැවින්, මේ මොහොතේ තීරණ ගැනීමේදී ඔබ දර්ශකයන්ගේ උපකාරය ගැන නොසිතිය යුතුය;

  • USD/JPY. ග්‍රැෆික් විශ්ලේෂණය සහ විශේෂඥයින්ගෙන් 65% ක් 'යෙන්' වල වර්ධනය හා යුගලයේ පහත වැටීම අපේක්ෂා කරයි. එපමණක් නොව, මෙය සතිපතා අනාවැකිය පමණක් නොව, 2019 අවසානය දක්වා වූ අනාවැකියකි. පැය හතරේ සහ දවසේ කාලරාමු මත 100% ක් ප්‍රවණතා දර්ශක මේ සමඟ එකඟ වන අතර සතියේ කාලරාමුව මත 75% ක් එකඟ වේ. නමුත් ඔස්කිලේටර් අතර තත්වය වෙනස්ය: ඔවුන්ගෙන් 75% ක් පැය හතරේ කාලරාමුව මත දී දකුණු දිශාවට සහය පළ කරන අතර දවසේ කාලරාමුව මතදී 60% ක් සහ සතියේ කාලරාමුව මත 25% ක් වේ. පහතයාමේ ඉලක්ක, 106.50, 105.70, 105.00 සහ 104.45 වේ. ඉහළයාමේ ඉලක්ක 107.55,108.50, 109.00 වේ;
  • ක්‍රිප්ටෝ මුදල්. ඩිජිටල් වෙළඳපල රසිකයන් ආයෝජකයින් පුදුමයට පත් කරමින් ඉහළ ලාභයක් ලබා දෙන බවට පොරොන්දු වෙති. ඒ අනුව, සුප්‍රසිද්ධ ප්‍රති-වයිරස මෘදුකාංගයේ සංවර්ධකයා වන ජෝන් මැකාෆි පවසන්නේ 2020 දී බිට්කොයින් හි මිල ඩොලර් මිලියනයකට ළඟා විය හැකි බවයි. ඔහු සිය අනාවැකිය සීමිත බිට්කොයින් සංඛ්‍යාවක් සමඟ පැහැදිලි කරයි, එයින් 85% ක්ම දැනටමත් කැණීම් කර ඇත. ජර්මානු බයිරිස්ලැන්ඩෙස්බෑන්ක් (BayernLB) හි විශ්ලේෂකයින් විසින් වඩාත් පිළිගත හැකි අනාවැකියක් ලබා දී ඇත. ඔවුන්ගේ මතය අනුව, ඉදිරි වසර සඳහා BTC මිල $90,000 දක්වා ඉහළ නැංවිය හැකි අතර, වර්තමාන මිල $8,200 ක මිලෙන් සැලකුවහොත් ලාභය 1000% ක් පමණ ලැබෙනු ඇත.
    කෙසේ වෙතත්, 2017 දෙවන භාගයේ සිට ගෙවී ගිය වසර දෙක තුළ, ක්‍රිප්ටෝ මුදල් සාම්ප්‍රදායික මුදල් ආදේශ කිරීමට අපොහොසත් වූවා පමණක් නොව, මූල්‍ය පද්ධතියේ කිසිදු බැරෑරුම් කොටසක් බවට පත් නොවීය. ගෙවීමේ මාධ්‍යයක් ලෙස ඒවා මහා පරිමාණයෙන් භාවිතා කිරීමට පටන් ගත්තේ නැත. එපමණක් නොව, රාජ්‍ය නියාමනයේ ග්‍රහණයට හසුවීමෙන් ඔවුන්ට හුදෙක් රජයන්ගෙන් ස්වාධීන මූල්‍ය වෙළඳපොළක් පිළිබඳ අදහස අහිමි වේ.
    වර්තමානයේදී, විශ්ලේෂකයින්ගෙන් 25% ක් පමණක් විශ්වාස කරන්නේ ඉදිරි දිනවලදී බිට්කොයින් $8,500-8,600 කලාපයට වඩා ඉහළ යා හැකි බවයි. පහතයාම සඳහා සුළු වාසියක් සහිතව $7,500-7,700 දක්වා අඩු කළ හැකි සමාන්තර චලනයක් පිළිබඳව බොහෝ දෙනා කතා කරති.

 

Roman Butko, NordFX

 

Notice: These materials should not be deemed a recommendation for investment or guidance for working on financial markets: they are for informative purposes only. Trading on financial markets is risky and can lead to a loss of money deposited.


« වෙළෙඳපොළ විශ්ලේෂණ හා පුවත්
පුහුණු වීම
ලබා ගන්න
වෙළෙඳපොළට නවක ද? "ආරම්භ කරන්න" යන කොටස භාවිතා කරන්න පුහුණු වීම ආරම්භ කරන්න
අපිව අනුගමනය කරන්න